Félag Fagkvenna

Um okkur

Hverjir geta orðið meðlimir Félagsins?  

Allir sem telja sig vera fagkonu og hafa lokið sveinsprófi, eru á námssamning eða í námi í karllægri iðngrein og hafa áhuga að kynnast öðrum konum með samskonar eða svipaða menntun. Ásamt því að vilja breyta staðalímynd iðnaðarmannsins og fjölga kvenfólki í iðngreinum.

Hvers konar bakgrunn hafa meðlimir félagsins?verjir geta orðið meðlimir Félagsins?

Félag Fagkvenna skartar fjölbreyttum hópi sem lokið hafa sveinsprófi, eru á námssamningi eða í námi í karllægum iðngreinum. Í Félaginu má t.d. finna rafvirkja, rafeindavirkja,  húsa- og húsgagnasmiði, pípara, múrara og skrúðgarðyrkjufræðinga. 

Hvað gerir félagið aðlaðandi fyrir konur til þess að taka þátt?

Í þeim iðngreinum sem teljast karllægar er hlutfall fagkvenna mjög lágt og í sumum greinum eru engar fagkonur. Þar sem það er vöntun á iðnmenntuðu fólki í atvinnulífinu teljum við fráleitt að helmingur þjóðfélagsins virðast ekki íhuga þann möguleika að gera iðngreinar að sínum starfsvettvangi. Þessu viljum við breyta með því að breyta þeirri staðalímynd sem iðngreinar hafa á sér og hvetja ungt fólkt til að íhuga iðnnám sem valkost. Félagið er frábær vettvangur fyrir fagkonur til að kynnast öðrum sem standa í sömu sporum, deila reynslu og hittast til að hafa gaman.

Kostar að taka þátt?

Við erum með félagsgjöld sem eru rukkuð tvisvar sinnum á ári. Upphæðin er 6000 kr eða samtals 12000 kr. Þessi peningur er notaður til þess að standa straum af kostnaði við kynningarstarf og viðburði á vegum félagsins. Nemar þurfa aðeins að borga einu sinni eða sem nemur 6000 kr, svo það er gott að minnast á það hvort það eigi við þegar sótt er um aðild.

Stjórn Félags Fagkvenna 2022-2023

Formaður

Margrét Halldóra Arnarsdóttir

Margrét er rafvirki að mennt og starfar sem rafvirki ásamt því að kenna við Raftækniskólann. Hún er formaður Félags Íslenskra Rafvirkja og varaformaður Rafiðnaðarsambandsins.

Gjaldkeri

Þeba Björt Karlsdóttir er rafvirkjameistari og símsmiður sem rekur sitt eigið rafverktaka fyrirtæki.

Ritari

Tinna Magnúsdóttir

Tinna Magnúsdóttir er blikksmiður og vélstjóri að mennt. Hún hefur starfað í blikksmiðju til fjölda ára en undanfarin ár hefur hún unnið hjá Landhelgisgæslunni sem vélstjóri á varðskipinu Tý.

Meðstjórnandi

Sóley Rut

Sóley er með sveinspróf í húsa- og húsgagnasmíði og stundar nám við Meistaraskólan. Hún starfar sem húsasmiður hjá Afltak og vinnur mest við tryggingatjón.

Meðstjórnandi

Melkorka María Guðmundsdóttir

Melkorka María Guðmundsdóttir er húsasmiður

Meðstjórnandi

Snædís Traustadóttir

Snædís Traustadóttir er húsasmíðameistari og starfar sem smiður hjá .

Meðstjórnandi

Kolbrá Sól Jónsdóttir

Kolbrá Sól Jónsdóttir er húsasmíðanemi sem stundar nám við Byggingartækniskólann. Hún vinnur sem nemi hjá Raftanna ehf við allskyns smíðaverkefni.

Meðstjórnandi

Kristín Ósk Guðmundsdóttir

Kristín Ósk Guðmundsdóttir eða Dídí er húsasmíðanemi sem stundar nám við Fjölbrautaskóla Suðurlands. Hún vinnur sem nemi hjá Raftanna ehf við allskyns smíðaverkefni.

VILTU VERA MEÐ?

%d bloggurum líkar þetta: